Ойло жаңы гана бойго жетип келаткан өспүрүмдөргө да, мамилелер жана ден соолук жөнүндө көбүрөөк билгиси келген чоңдор үчүн да суроолорго жооп табууга жардам берет деп ишенебиз. Жаштар бул мезгилде болуп жаткан өзгөрүүлөрү, алгачкы мамилелери, анын ичинде сексуалдык мамилелер тууралуу суроолорго жооп таба алышат. Ата-энелер менен жеке темаларга конструктивдүү баарлашууну жана чыр-чатактарды болтурбоону үйрөнүшөт. Өзүлөрүнүн укуктары жана милдеттери жөнүндө көбүрөөк маалымат алып, оор кырдаалда жардамды кайдан ала аларын билишет. Бойго жеткен колдонуучулар сексуалдык жана репродуктивдүү ден-соолукка жана психологиялык саламатыкка болгон мамилесин кайра карап чыгып, мамилелердеги көйгөйлөр жана үй-бүлөнү пландаштыруу боюнча суроолорду бере алышат.

Бир катар эл аралык уюмдар, анын ичинде ЮНЕСКО, ден соолук жана саламаттык тармагында билим берүүгө комплекстүү мамилени эң натыйжалуу көрүшөт. Бул ыкма сексуалдык жана репродуктивдүү ден соолук (анатомия, контрацепция) менен түздөн-түз байланышкан темаларды жана мамилелердин этикасы жана алардын эмоционалдык жагы (макулдук, зордук-зомбулук, чечим кабыл алуу) жөнүндө суроолорду камтыйт. Көп жылдык изилдөөлөргө ылайык, ден соолук боюнча билим берүү адамдарга чоңойгонго даяр болууга жана алган билими, баалуулуктары, эмоцияларды жана сезимдерди жакшыраак түшүнүү жана өзүнө болгон ишеним аркасынан күчтүү жана маңыздуу мамилелерди түзүүгө жардам берет.

Ойло менен баарлашуу үчүн ден соолук, мамилелер, психология, сексуалдуулук, үй-бүлө жана физиология аттуу негизги темаларды тандоону төмөнкү факторлор аныктаган. Биринчиден, бул ЮНЕСКОнун жана БУУнун башка агенттиктеринин методологиялык материалдарынан алынган изилдөө маалыматтары жана сунуштары. Экинчиден, бул жаштар үчүн болгон ресурстарды, бул ресурстар боюнча берилген суроолордун жыштыгын жана темаларын талдоо. Үчүнчүдөн, бул ЮНЕСКОнун адистеринин жаштар менен иштөө тажрыйбасы. Төртүнчүдөн, бул долбоордун ыктыярчы-активисттер коому менен консультациялар.

Ойло менен Телеграм мессенджеринде жөн гана ага "Салам" деп жазып сүйлөшө аласыңар. Ал үчүн баракчага жазылуунун же топко кошулуунун кажети жок, силердин кат алышуу фактысы коомдук мейкиндикте эч кандай чагылдырылбайт. Эгерде силерди Ойло иштеген темалар боюнча кошумча материалдар, тесттер, сурамжылоолор, ошондой эле жаңыртуулар тууралуу жаңылыктар кызыктырса, Инстаграм социалдык тармагындагы Ойлонун баракчасына жазылууну сунуштайбыз!

Ойло Телеграм мессенджеринде жеткиликтүү болгондуктан, курактык чектөөлөр мессенжерде катталуу эрежелери менен чектелген. Силер Телеграмда өз аккаунтуңарды 12 жаштан баштап түзүп, Ойло менен баарлаша баштасаңар болот. Курактык чектөөлөр бар материалдарга (популярдуу илимий макалалар, китептер, лекциялар) кайрылганда, Ойло тиешелүү маалымат белгилерин коёт.

Суроолорго жооптор редакциялык топ жана, дарыгерлер жана психологдордон турган, адистер тобу тарабынан жазылат. Жооптордун маалымат базасын түзүүдө ЮНЕСКОнун, ДСУнун жана БУУнун башка агенттиктеринин сексуалдык ден соолук жана психологиялык саламаттык боюнча изилдөө материалдары, жаштарга ылайыктуу илимий-популярдуу жана билим берүү ресурстары, эксперттик басылмалар колдонулат. Ошондой эле, Ойлону жаратууда, анын жандуу жана актуалдуу болушуна жардам берген илимий журналисттер жана блоггерлерден турган ыктыярчылардын коомчулугу катышат.

Ооба, Ойло билим базасы социалдык тармактарда көп берилүүчү суроолордун, колдонуучулардын бот менен болгон диалогдорунун анализинин жана биздин эксперттердин сунуштарынын негизинде жаңы жооптор менен үзгүлтүксүз жаңыланып турат. Ар бир жаңы жооп текшерүүдөн жана эксперттик валидациядан өтүшү керек, бул бир аз убакытты талап кылат. Ошондуктан, жаңыртуулар үзгүлтүксүз болот, бирок күн сайын эмес. Учурдагы материалдар да жаңы маалыматтардын негизинде жаңыртылышы мүмкүн.

Ойло - маалымдама эмес, ал жасалма интеллект. Ал баладай үйрөнөт. Дарыгерлер жана психологдор аны суроолор жана тиешелүү темалар менен тааныштырышат. Ошентип, Ойло теманы биринин артынан бирин өздөштүрөт. Ойло үчүн эң кыйыны – бул баскычтардагы суроону эмес, колдонуучу ага өзү жазган суроону түшүнүү. Ойло кичинекей баладай эле, биринчи жолу кездешкен суроолорго дароо жооп бере албаса дагы, бара-бара өздөштүрүп, иштеп чыгат. Ойло бул диалогдорду үйрөнүү үчүн сактайт, бирок адегенде ал диалогдон колдонуучунун атын жана IDсин бөлүп, аларды анонимдештирет. Ошентип, Ойло маектештери тууралуу маалыматты иштеп чыгуучулардан да жашырат.

Нейрондук тармактарды колдонуу билим берүүнүн эффективдүү тенденцияларынын бири болуп саналат. Бул ден соолук жана саламаттык билим берүүгө да тиешелүү. Ар кимдин эле жакын адамы менен сүйлөшүүгө же сапаттуу психологиялык колдоо кызматына кайрылууга мүмкүнчүлүгү боло бербейт. Балким, мындай учурларда бот менен кат алышуу ыңгайлуу жана коопсуз вариант болуп көрүнөт. Ойло бир эле учурда жүздөгөн диалогдорду жүргүзө алат, бир эле нерсени жүзүнчү, миңинчи жолу кайталоодон тажабайт. Ойло сүйлөшкөндөн баш тартпайт жана сенин каттарыңды эч кимге көрсөтпөйт. Албетте, бот адис менен түздөн-түз баарлашууну алмаштыра албайт, бирок ал көптөгөн маанилүү жана кызыктуу суроолорго жооп бере алат.