Ашык жүн

Эпиляция жана депиляцияны кантип туура жасоо керек жана алардын ортосунда кандай айырма бар?

Эгерде буттардагы, колтуктардагы, жыныстык органдардагы жүндөр кычыштырса же өзүңө эстетикалык эместей көрүнүп жатса, андан кантип туура жана коопсуз арылуу керектигин билүү пайдалуу болот.

Эпиляция жана депиляциянын жарнамасы көп кеңештерди берет, бирок анда айтылгандардын бардыгына критикалык көз караш менен кароо керек.

Биз ашыкча түктөрдү кетирүүнүн негизги жолдорун карап чыгабыз, артыкчылыктарды жана кемчиликтерди талдап, түктүүлүк менен күрөшүү үчүн пайдалуу лайфхактар ​​менен бөлүшөбүз.

Биринчиден, түшүнүктөрдү аныктап алалы. Эпиляция жана депиляция көбүнчө чаташтырылып колдонулган терминдер. Бул процедуралардын туура эмес аталыштарын сулуулук салондорунан да, жарнамалык тексттерден да тапса болот. Жада калса кээ бир өндүрүүчүлөр да өз продукциясын туура эмес аташат. Мисалы, электр эпиляторлор деп сатылган приборлоп чынында депилятор деп аталышы керек.

Айырмачылыкты түшүнүү үчүн, сиз бир нече жөнөкөй нерселерди эстеп чыгышың керек:

Депиляция – бул түктүн көрүнгөн бөлүгүн алып салуу, анын андан ары өсүшүнө тоскоол болбойт (чачты тамыры менен жулуп алса да).

Эпиляция - бул түктүн фолликуласынын бузулушу, түктөрдүн өсүшүн жайлатып, акыры таптакыр токтотуп салышы мүмкүн.

Кааланбаган түктөрдү бир жолу эпиляция менен кетире алсаң, кадимки депиляцияга эмне кереги бар десең керек? Бирок бул анчалык жөнөкөй эмес.

Депиляциянын кандай түрлөрү бар?

• Кыруу. Жөнөкөй жана арзан. түктөр теринин бетинен устара менен кырылып алынат.

• Депиляциялык крем. Ал ашыкча түктөр бар теринин аймагына колдонулат. Нускамада көрсөтүлгөн убакытты күт. Андан кийин крем түктөр менен бирге пластикалык шпатель менен алынып салынат. Кремдеги химикалык заттар, чачтарга таасир этет - аларды алсыратат жана морт кылат. Ошондуктан, аларды тери бетинен алып салууга болот. Бирок, бул ыкма чачтын бардык түрлөрү менен иштебейт: алар кара болсо, анда крем керексиз түктөрдүн үчтөн бир бөлүгүн гана жок кылат деп даярдануу керек. Бул түр крем химиялык күйүккө да алып келиши мүмкүн, андыктан териси сезгич адамдар бул ыкмадан алыс болушу керек.

• Ваксинг, же мом депиляция. Теринин бетине муздак же ысык мом сүйкөп, андан кийин түктөрдү бат жулуп салат. Демейде момдун эффектиси 3-4 жумага созулат. Бирок бул процедурада теринин үстүнкү катмары сөзсүз түрдө бузулат. Буттарда бир аз кызарып, тез өтүп кетсе, териси сезгич жерлерде (бетте, колтукта же жыныстык органдарда) олуттуу кыжырдануу пайда болушу мүмкүн. Чачты алып салган жерлерде меңдер, туу белгилери болгон учурда бул ыкма сунушталбайт. Жалпысынан - бул ыкма менен түктөрдү жулуп алуу баарына катуу оорутат жана баарына жараша бербейт.

• Шугаринг, же шекер депиляциясы. Иштөө принциби ваксингге окшош, бирок момдун ордуна косметикалык шекер пастасы колдонулат. Бул ыкма мом сүрткөндөй оорутпайт деп эсептешет, бирок мунун баары адамдын ооруга сезимталдыгынан көз каранды. Шугаринг, ваксинг сыяктуу, варикоздук тамырларга, кант диабетине, депиляцияланган жерде жаралар болгон учурда каршы көрсөтүлгөн. Процедурадан мурун жана андан кийин 2-3 күн күнгө күйүүгө жана скрабдарды колдонууга болбойт: бул депиляциядан жабыркаган териге зыян келтирет.

• Түктөрдү жулуп алуу. Бул жердеги негизги инструменттер беттеги сейрек кездешүүчү түктөрдү жулуп алуу үчүн колдонулган пинцет жана электрдик депилятор (ооба, бул аппаратты көбүнчө эпилятор деп жаңылыштык менен аташат). Депилятор абдан оорутат, ошондуктан аны тери назик болбогон буттардагы түктөрдү алуу үчүн гана колдонуу сунушталат. Натыйжа, адатта, 4 жумага созулат.

Эң жеткиликтүү жол

Кыруу. Ошол эле убакта эң популярдуу. Бул таң калыштуу эмес, анткени аны колдонуу үчүн устара гана керек. Ар бир дүкөндө же дарыканада сатып алса болот. Устаралардын баасы ар кандай, бирок функционалдуулугу негизинен бирдей.

Албетте, бул ыкманын кемчиликтери да бар:

• чач тез өсөт, ал эртеси эле пайда боло баштайт.

• чач теринин ичине өсүп кетиши мүмкүн - бул оорутат жана эстетикалык эмес.

• өзүңдү кесип алсаң болот!

Кыруу - кантип туура кырыш керек?

• Кыруудан бир нече мүнөт мурун чачты нымдат. Мисалы, ваннада 3-5 мүнөт жатсаң болот. Бул түктөрдү жумшартып, кыркууну оңой кылат.

• Кыруу үчүн атайын каражаттар (көбүктөр, гелдер) да процессти жеңилдетет жана самындын көбүгүнөн айырмаланып, терини кошумча нымдаштырат.

•Бир жолу колдонулуучу устараларды бир нече жолу колдонууга болбойт деп эсептелет. Бул миф. Алардын МиздериАлар мокоп калганда эле устара ыргытылат. Мокоп калган устараны өз убагында алмаштыруу маанилүү. Анткени, жетишсиз курч бычактар ​​түктөрдү жакшы кырбайт жана териге зыян келтириши мүмкүн. Микро жараатка камалган бактериялар сезгенүүнү пайда кылып, жетиштүү таза алынбаган түктөртеринин ичине өсүп баштайт. Бир жолу колдонулуучу устара адатта 2-3 жолу колдонгондон кийин мокойт.

• Эгерде устара кайра колдонууга жарамдуу болсо, бычактарды ошол эле себеп менен алмаштыруу керек. бычак менен бир тиркеме болжол менен беш колдонууга созулат.

• Тазараак кыруу үчүн, түктөрдү өсүү багытына каршы кыруу сунушталат, ал эми кесүү жана теринин кыжырдануу коркунучун азайтуу үчүн - өсүү багытын бойлото.

• Бикинидеги жана колтуктагы түктөрдү алып жатканда, бул жерлердеги назик жана сезгич терини манжаларың менен бир аз чоюуп кырганың оң, антпесе пайда болгон бүктөмөлөрдүн кесепетинен терини кесип алуу мүмкүн же бул түктөр жетиштүү түрдө таза кырылбай калат.

• Устараны катуу басууга болбойт. Анын бычагы терини тытпай, анын үстүнөн жеңил сыйпап жылышы керек.

• Башка бирөөнүн устарасын колдонбогонуң оң. Бул шексиз ишенимди туудурган бирөөнүн устарасы болсо да. Кан аркылуу жугуучу ар кандай инфекцияны жуктуруп алуу коркунучу бар. Көптөгөн инфекциялар ушунчалык тымызын болгондуктан, алар менен ооруган адам бир нерсе менен ооруп жатканын көпкө билбеши мүмкүн.

• Врачтар интимдик аймактагы чачты алгандан кийин дароо жыныстык катнашка барууну сунуштабайт. Депиляциядан кийин (кандайдыр бир жол менен) териде микротравмалар пайда болот - алар аркылуу инфекция кириши мүмкүн. Башкача айтканда, бул учурда презерватив да инфекциядан коргой албай калышы мүмкүн.

Эпиляциянын кандай түрлөрү бар?

• Электроэпиляция. Ар бир түккө электрод менен ичке ийне келтирилет жана төмөнкү чыңалуудагы разряддын жардамы менен фолликул жок кылынат.

• Лазердик эпиляция. Түккө лазер нуру менен таасир кылынат. Нур бир түккө эмес, бир нече түккө тийет. Жарык энергия жылуулукка айланып, фолликулду жок кылат, ал түктүн өсүшүн токтотот же жайлатат, ошондой эле түктүн түшүшүнө алып келет. Бул ыкма ачык теридеги кара түктөр менен жакшы иштейт. Түктөр дароо түшпөй, бир нече күндөн, ал тургай жумадан кийин түшөт.

• Фотоэпиляция. Иштөө принциби түктөрдү лазердик эпиляциядагыдай эле, ал жөн гана башка спектрдеги жарыкты колдонот. Бул ыкма сепкил же курактагы тактары бар адамдарга зыяндуу жана меланин аз болгон сары же ачык түстөгү түктөр менен жакшы иштебейт.

• Элос-эпиляция. Фолликулга лазер менен жарыктын таасирин биргелештирип колдонгон ыкма. Элос-эпиляция, фото жана лазердик эпиляциядагыдай түктөрдүн өсүшүн жайлатат, бирок алардын өсүүсүн толугу менен токтотушуна кепилдик бербейт. Натыйжа бир нече айдан бир нече жылга чейин созулушу мүмкүн. Өсүп келе жаткан түктөр жука жана ичке болуп чыгат.

Эң жеткиликтүү жол

Үйдө колдонуу үчүн лазер же фотоэпиляторду сатып алса болот. Алардын ортосундагы айырма аз - ошондуктан алардын баалары деле окшош. Жана айтып кетишим керек - баалары арзан эмес.

Алардын артыкчылыктарга караганда кемчиликтери көбүрөөк:

• алар аз кубаттуулукта жана клиникалардагы жана сулуулук салондорундагы профессионалдык аппараттарга караганда орточо натыйжаларды көрсөтөт.

• Алар медициналык аппараттар катары классификацияланбайт (кесиптик салондордо колдонулган аппараттардан айырмаланып), ошондуктан алар теринин коопсуздугу үчүн жакшы текшерилбейт.

Эң ишенимдүү жол

Электролиз керексиз чачтарды алып салуу үчүн FDA жана AMA тарабынан бекитилген бирден-бир туруктуу эпиляция ыкмасы. Башкача айтканда, биротоло ашыкча жүндөн арылууга болот. Бул ыкманын негизги артыкчылыктарынын бири түктөрдүн жана терисинин түсүнө карабастан бардыгына ылайыктуу.

Кемчиликтеринин бири, процедуранын узактыгы: электрод ар бир түккө бир-бирден таасир этип жок кылынат! Бул процедура косметологиялык клиникаларда гана жүргүзүлөт. Бул арзан эмес жана натыйжага жетүү үчүн 5-6 жолу жасалышы керек.

Материалды даярдаган: Двор медиа